Хоол хүнсний тал дээр амин дэм болон анти-оксидантаар баялаг хүнс сонгох хэрэгтэй. Тухайлбал, лууван. Лууванд агуулагдах бета-каротин нь арьсыг наранд түлэгдэхээс зохих хэмжээгээр хамгаалж чадна. Гэхдээ мэдээж нарнаас ирдэг хэт ягаан туяаны нөлөөгөөр арьсанд сэвх, толбо үүсдэг тул нарны тостой найзлах нь зүйтэй.

Түүнчлэн нойр дутуу явах нь арьсны харагдах байдалд шууд нөлөөлдөг. Арьс гундуу, өнгө зүсгүй, ядарсан сулбагар харагдана. Хэрэв та гэрэлтсэн тунгалаг, өөгүй арьсыг хүсэж байвал шөнийн нойроо хангалттай авах хэрэгтэй. Ажил, амьдралын онцлогоос  шалтгаалж хүн бүрийн унтаж амрах цаг харилцан адилгүй боловч шөнө дундаас өмнө орондоо орж, өглөөний 8.00 цаг хүртэл унтах нь хамгийн зохистой.

Мөн та шөнийн цагаар, эсвэл сэрэхдээ ядралтын эсрэг, арьс сэргээх маск хэрэглэж болно.